Siuⁿ-koè kng-bêng
Ē seⁿ-chhut sı̍t-á
Poe hiòng o͘-àm
Chit-ê tō-lí bô chhim
Chū sè-hàn bô lâng kā lán thiah-bêng
Lán kan-na chai-iaⁿ
Jı̍t-thâu sı̄ thiⁿ ê ba̍k-chiu
I kā lán khoàⁿ
Lán chiah ē-tàng khoàⁿ-tio̍h se-kai
M̄-chai i ê gán-kong
Sı̄ seⁿ sı̍t-á ê goân-sò͘
I khoàⁿ chhiū-bo̍k
Chhiū-bo̍k seⁿ-chhut chı̍t hio̍h chı̍t hio̍h
Chheⁿ-chhùi ê sı̍t-á
Siuⁿ kā khoàⁿ, sı̍t-á lóng ē siūⁿ beh poe
Kui-châng chhiū-á khiā tı̄ hia hiòng thiⁿ
Siūⁿ beh poe
Siūⁿ-kàu siong-sim ê chhiu-thiⁿ
Sit-bōng ê sı̍t-á
Lak kah moá sı̀-kè
Thiⁿ ê ba̍k-chiu kap lán ê ba̍k-chiu tùi-chiàu
Lán ê ba̍k-chiu mā siūⁿ beh poe hiòng thiⁿ
Ùi pe̍h-jı̂n ê só͘-chāi
Khai-sí seⁿ-chhut chı̍t hio̍h sı̍t-á
Nn̄g ê pe̍h-jı̂n nn̄g hio̍h sı̍t-á
Bān-bān poe hiòng o͘-jı̂n
Kā o͘-sek ê ba̍k-chiu cha̍h--leh
Chhin-chhiūⁿ toā chiah phêng thián-khui sı̍t
Chài lán jı̍p-khı̀ o͘-àm
Tı̄ o͘-àm tiong poe-hêng
M̄-thang kap thiⁿ ê ba̍k-chiu sio-chiàu
M̄-thang hō͘ thiⁿ ê ba̍k-chiu khı̍p--khı̀
M̄-thang siuⁿ-koè kng-bêng
Kā o͘-jı̂n ba̍k-kiàⁿ koà--khı̀-lâi
Hō͘ lán ê ba̍k-chiu sió-khoá chhiu-chhı̀n
Hō͘ sı̍t-á ê seng-tióng kek-sò͘ bô kàu
Hō͘ i nn̄g ki sı̍t-á bē pêng-hêng
Hō͘ i khoê sı̍t-á
Nā mài poe hiòng thiⁿ ê ba̍k-chiu
Lán ē-tàng pó-chhı̂ kng-bêng
Tō-lí bô chhim
Taⁿ, goá í-keng kā lí thiah-bêng
