1 Koh kè chı̍t jı̍t sı̂-khek pêng-an,
Kám-siā Siōng-tè un-tián bû-hān,
Bān-ông ê Ông, chû-pi Thiⁿ-pē,
Kim-mı̂ kò͘ goá tı̄ lí sı̍t-ē.
2 Tài-liām só͘ thiàⁿ ê Kiáⁿ Ki-tok,
Sià goá chiong jı̍t só͘ hoān choē-ok,
Hō͘ goá bián siū gûi-hiám hoân-ló,
NG3 thiⁿ bô kiaⁿ, kap lâng hô-hó.
3 Sèng-sı̂n thong-mı̂ kap goá kau-poê,
Kám-hoà chiàu-kò͘ lóng bô hoān-choē,
Siúⁿ-sù un-tián chhiong-moá jı̂n-ài,
M̄ chún Mô͘-kúi bê-he̍k hām-hāi.
4 He̍k-sı̄ bô khumn3, he̍k-sı̄ bāng-kı̀ⁿ,
Chān goá liām-thâu it-chı̄n ǹg thiⁿ,
Bô khí su-io̍k bô siūⁿ siâ-tāi,
Sı̂-khek siàu-liām Siōng-tè hoat-kài.
5 Lêng-hûn khò Chú pêng-an ún-sūn,
Ba̍k-chiu pàng-khoeh seng-khu hó khùn,
Thiⁿ-kng khí-lâi sóng-khoài khin-sang,
Hoaⁿ-hí chı̄n la̍t choè Chú ê kang.
6 Chı̍t-sı̀ thàn Chú, khò i chun miâ,
Khoàⁿ sí ná khùn lı̂m-chiong bián-kiaⁿ,
Hó-táⁿ ǹg-bāng sím-phoàⁿ jı̍t-chí,
Pi-chiān seng-khu êng-kng koh khí.
7 Chiūⁿ kàu thian-tông bô khùn éng chhíⁿ,
Toā kng bô àm tn̂g jı̍t bô mı̂,
Chō-ūi bı̄n-chêng toâⁿ-khı̂m gı̂m-si,
Kám-siā Siōng-tè thiàⁿ-thàng chû-pi.
8 O-ló Siōng-tè chı̀ koâiⁿ chı̀ chun,
Chō-hoà ê Chú, bān-hok goân-pún,
Thiⁿ-téng Sèng-sài, thiⁿ-ē bān-bı̂n,
Éng-oán o-ló Pē, Kiáⁿ, Sèng-sı̂n.
