A-tong kap Hā-oa tı̄ Lo̍k-hn̂g

 A-tong kap Hā-oa tı̄ Lo̍k-hn̂g 
 1. A-tong Hā-oa tı̄ Lo̍k-hn̂g, 
  Ta̍k hāng hok-khı̀ lóng chiâu-chn̂g; 
  Kui kûn khı̂m-siù in bô kiaⁿ, 
  Ta̍k chiah tōng-bu̍t lóng hō miâ; 
  Hn̂g lāi ū mı̍h thang chia̍h, 
  Siōng-tè pı̄-pān chin kàu-gia̍h; 
  Tāi-ke lóng bô siong-hāi, 
  Chhut chāi A-tong the an-pâi. 
 2. A-tong Hā-oa tı̄ Lo̍k-hn̂g, 
  Ta̍k hāng hok-khı̀ lóng chiâu-chn̂g; 
  Siōng-tè ū chhòng-chō ta̍k hāng, 
  Lóng-chóng siúⁿ-sù in nn̄g lâng, 
  Ké-chí chheng-chheng bān-bān, 
  In ū chū-iû thang lâi bán; 
  Siān-ok kó ū kı̀m-chí, 
  Nā chia̍h ê sı̂ tek-khek sí. 
 3. A-tong Hā-oa tı̄ Lo̍k-hn̂g, 
  Ta̍k hāng hok-khı̀ lóng chiâu-chn̂g; 
  Mô͘-kúi oàn-hūn in nn̄g lâng, 
  Ài in chhiⁿ-chhám kap i tâng; 
  Chiong choâ chhùi lâi koái-iú, 
  Hā-oa siū bê soà chhun-chhiú; 
  Chia̍h kı̀m kó siū chek-pı̄, 
  Kiân-lūi A-tong ū tāi-chı̀.
 4. A-tong Hā-oa tı̄ Lo̍k-hn̂g, 
  Ta̍k hāng hok-khı̀ lóng chiâu-chn̂g; 
  Hoān-choē liáu-āu cháu khı̀ bih, 
  Chin kiaⁿ siū hoa̍t aisı̀am-pı̄; 
  Nn̄g lâng kı̀-jiân hoán-poē, 
  Bô thiaⁿ Siōng-tè kóng ê oē; 
  Tùi sí-chó͘ siū bê-he̍k, 
  Tı̀-kàu lâng tio̍h lo̍h tē-ge̍k. 
 5. A-tong Hā-oa tı̄ Lo̍k-hn̂g, 
  Ta̍k hāng hok-khı̀ lóng chiâu-chn̂g; 
  Mô͘-kúi pháiⁿ-sim ài hām-hāi, 
  Tùi chá thàu kàu bān-sè-tāi; 
  Ài-lán kū-choa̍t Siōng-tè, 
  Ēng bān poaⁿ kan-kúi ok-kè; 
  Iâ-so͘ choè lán Kiù-chú, 
  Sı̀n I chiū bián lo̍h im-hú. 

[Koà-chhài-chí tē 80 hō (Tâi-oân Kàu-hoē-pò tē 570 hō, 1932 nı̂ 9 goe̍h)]