1. Ha-le-lu-iah! Chú ū koh-oa̍h!
Goá sim hoaⁿ-hí, o-ló bô soah;
Chín-kiù choē-jı̂n, kong-lô choè chiâⁿ,
Chheng-ho͘ goá Chú, chı̀-sèng ê miâ:
Sı̀n-khò Kiù-chú, sià goá choē-ok,
Chheng goá choè gı̄, thang jı̍p thian-kok,
Kám-siā Siōng-tè, chı̀ toā un-tián,
Pe̍h-pe̍h siúⁿ-sù, lóng bô iân-chhiân.
2. Ha-le-lu-iah! Chú ū koh-oa̍h!
Goá sim hoaⁿ-hí, o-ló bô soah;
Jı̂n-seng o͘-àm, chhiⁿ-chhı̀n ê lō͘,
Choè goá tâng-phoāⁿ, sı̄ Chú, Iâ-so͘;
Goá choè lâng-kheh, keng-kè khòng-iá,
Chú nā ín-chhoā, choè goá bo̍k-chiá;
Chhiⁿ-chhùi chháu-po͘, thián-khui gán-chiân,
Chhun-thiⁿ kong-kéng, chiū beh chhut-hiān.
3. Ha-le-lu-iah! Chú ū koh-oa̍h!
Goá sim hoaⁿ-hí, o-ló bô soah;
Chí-ū tio̍h sı̀n, bo̍h-tit kiaⁿ-hiâⁿ,
Thiaⁿ Chú bēng-lēng, tè Chú lâi kiâⁿ:
Khún-kiû Sèng Sı̂n, tiàm goá sim-lāi,
Kám-hoà goá sim, ài Chú só͘ ài;
Kun-tè goá Chú, éng-oán bô lı̄,
Bô-lūn ta̍k ūi, goá lóng beh khı̀.
4. Ha-le-lu-iah! Chú ū koh-oa̍h!
Goá sim hoaⁿ-hí, o-ló bô soah;
Taⁿ tio̍h pò-iông, Chú ê kiù-un,
Ín-chhoā choē-jı̂n, kap Chú chhin-kūn:
Goá goān kap Chú, tâng sí, tâng oa̍h!
Kiàn-tı̀ sèng-hoē, thian-kok kóng-khoah;
Chı̄n chı̍t-sı̀-lâng, choè Chú ha̍k-seng,
Ho̍k-sāi goá Chú, éng-oán bô thêng. （A-men.）
(Tâi-oân Kàu-hoē Kong-pò, Tē 808 kı̂, 1956 nı̂ 4 goe̍h)
