1 Iâ-so͘ sèng-hoē Siōng-tè siat-lı̍p,
Hián-chhut un-tián chû-pi;
Hiaⁿ-tı̄ chí-bē tâng-sim chū-chı̍p,
Toā siaⁿ o-ló gı̂m-si.
2 Siōng-tè chāi-chá bē chō thiⁿ-toē,
Sèng-chí tāi-seng tiāⁿ-tio̍h,
Tài-liām Iâ-so͘ kéng-soán sèng-hoē,
Éng-oán chhim-chhim thiàⁿ-sioh.
3 Kiù-chú kàng-seng lâu-huih sio̍k-choē,
Kong-lô ke̍k-toā bô pí,
Siōng-tè ê Kiáⁿ pó-sioh sèng-hoē,
Bān sè saⁿ-liân bô lı̄.
4 Sèng-sı̂n siông-siông chān lán ê sim,
Sı̀n Chú it-hoat kian-kò͘,
Jı̂n-ài ná toā ǹg-bāng ná chhim,
Tāi-ke jı̍t-jı̍t chı̀n-pō͘.
5 Kiaⁿ-liáu lō͘-tiong tú-tio̍h bê-he̍k.
Khún-kiû Siōng-tè chiàu-kò͘,
Sui-jiân keng-kè choē-choē khún-pek,
Goá khò Thiⁿ-pē pó-hō͘.
6 Kàu bé khah-iâⁿ ún-tàng chiūⁿ-thiⁿ,
Sèng-hoē lóng-chóng chiâu-chn̂g,
O-ló Siōng-tè kàu bān-bān nı̂,
Éng-oán hióng-siū êng-kng.
