Chhiū-nâ lo̍h-soaⁿ

 Soaⁿ téng chhiū-nâ cháu lo̍h-soaⁿ 
  Chàm kha-pō͘, chhiùⁿ kun-koa 
  I-í-o-o, pin-pín-piàng-piàng, 
  Chàm kah soaⁿ 
  Chàm kah soaⁿ téng chhun thô͘-soa
 Lo̍h-hō͘ ê sı̂, soaⁿ kha chò toā-chúi 
  Chhiū-á-chháu-á chı̀m kah giōng-giōng-boeh 
  tū-sí 
  Bô hō͘ ê sı̂, soaⁿ kha chò toā-oāⁿ 
  Chhiū-á-chháu-á pha̍k kah giōng-giōng-boeh 
  pı̀ⁿ koaⁿ 
 Lı̂m-bū-kio̍k phài lâng chhut-lâi koáⁿ 
  Kā chhiū-nâ koáⁿ chiūⁿ-soaⁿ 
 （Tâi-bûn Bóng-pò Tē 94 kı̂, 2004 nı̂ 7 goe̍h)