Goán só͘ gı̂m ê Kı̀-liām Si
Báng-kah kàu-hoē tı̄ pún nı̂ 1 ge̍h 1 hō àm-sı̂ , ū khui Chú-jı̍t-o̍h Chiok-hō- hoē , iā ū soà kı̀-liamsiat7-kàu 60-chiu nı̂ . Chit hō sū í-keng ū siá tı̄ Koà-chhài- chí-pò , 2 ge̍h hūn ê Kàu-hoē Siau-sit ê lāi-bı̄n. Taⁿ in-ūi Koa Siat-kai Sian-siⁿ ê hi-bōng , só͘-í ài chiong goán só͘ gı̂m ê Kı̀-liām Si lâi siá tı̄-chia.
A
1.Khiā tı̄ hn̄g-hn̄g o͘-àm choē-ok ê sè-kài,
Chheng bān lêng-hûn éng-oán teh-beh tı̂m-lûn,
Chı̄-chūi hoaⁿ-hí thoân-pò kiù-chú jı̂n-ài,
Ná bo̍k-chiá soaⁿ-nı̍h chhē sit-lo̍h iûⁿ-kûn.
Hô. Bān koân-lêng í-keng siúⁿ-sù goá,
Bān koân-lêng í-keng siúⁿ-sù goá,
Lín khı̀ phó͘-thı̄ⁿ-ē thoân hok-im hō͘ bān peh-sı̀ⁿ,
Goá kap lín tı̄-teh kàu éng-oán.
2.Bān kok toā mn̂g hiàn khui-khui bo̍h-tit iân- chhiân,
Ki-tok ê peng hó-táⁿ chı̀n-chêng lâi-khı̀,
Chhú choê Ki-tok sı̀n-tô͘ tāi-ke saⁿ kiat-liân,
Pò-iông chin-lí sè-jı̂n tit-tio̍h hok-khı̀.
3.Sı̂-jı̍t beh kàu, bān peh-sı̀ⁿ beh chhut toā siaⁿ,
Gı̂m kóng êng-kng sèng-lı̄ kui goá ê Chú,
Hoaⁿ-hí in-ūi sio̍k-hoê lâi tit-tio̍h oa̍h-miā,
Hoah kóng , Ha-le-lu-iah, goá Ông goá Chú.
B
1.Lán chèng tāi-ke tio̍h chhut lâi thiaⁿ,
Hoaⁿ-hí tit kiù un-tián ê siaⁿ,
Thoan-lı̄ Sat-tàn tit-tio̍h chín-kiù ,
Chı̀n-jı̍p thian-kok tit chū-iû.
Hô Tāi-ke tio̍h lâi saⁿ-kap hoaⁿ-hí,
Kı̀-liām Pak-pō͘ tit-tio̍h chin-lí,
Siàu-liām kò͘-su siū lān khah-iâⁿ,
Kám-siā Siōng-tè toā un thiàⁿ.
2.Kim jı̍t tāi-ke oē tit thang thiaⁿ,
Oa̍h-miā hok-khı̀ chin-lí ê siaⁿ,
Iâ-so͘ chin kng piàn-chiò sè-kan,
Hō͘ lán sim-koaⁿ tit pêng-an.
(Tâi-oân Kàu-hoē-pò tē 563 koàn, 1932 nı̂ 2 ge̍h)
