Chı̍t chiah kó͘-chui iûⁿ-á kiáⁿ,
Lı̄-khui in tau chhut-goā,
Khı̀ hn̄g-hn̄g chhiⁿ-chhùi soaⁿ-niá,
Phang-hoe ké-chí moá soaⁿ,
Sim-lāi hoaⁿ-hí bô kiaⁿ-hiâⁿ,
Tiô-thiàu khoài-lo̍k chhiùⁿ-koa,
Tı̀-kàu bê-lō͘ tı̄ soaⁿ-phiâⁿ,
Ka-kı̄ tiàm tı̄ lāi-soaⁿ.
Jı̍t lo̍h ge̍h chhut àm-sı̂ kàu,
Sı̀-ûi chhiⁿ-so͘ bô phoāⁿ,
Iûⁿ-á khui siaⁿ tı̍t-tı̍t háu,
Tio̍h-kiaⁿ tı̍t lâu chhı̀n-koāⁿ,
Sui-jiân siàu-liām tio̍h in tau,
Iu-chhiû pi-siong ke̍k-toā,
Chóng-sı̄ léng hong tı̍t-tı̍t thàu,
Chí-ū ke-thiⁿ ko͘-toaⁿ.
Chı̀-hó Bo̍k-chiá chiām-chiām lâi,
Sı̀-kè tui-chhē iûⁿ-kiáⁿ,
Keng-kè chhim-khiⁿ chhı̀-phè lāi,
Kha chhiú tio̍h-siong thàng-thiàⁿ,
Chhē-tio̍h bê-iûⁿ phō hoâi-lāi,
An-ún chū-chāi bô-kiaⁿ,
Iûⁿ-á jı̍t-jı̍t tiàm chhù-lāi,
Chhiong-moá hoaⁿ-hí koa-siaⁿ.
(Lú-soan Goe̍h-khan Tē 77 kı̂, 1966 nı̂ 5 goe̍h)
