Phoebe H. Brow chok
1. Sè-kan éng ū hoân-ló kan-lân,
Chiām-sı̂ siám-pı̄ put-an;
Hông-hun àm-mı̂ ka-kı̄ an-chēng.
Kı̂-tó ǹg-bāng sim chheng.
2. Siōng-tè í-goā lóng bô pa̍t-lâng,
Thiaⁿ goá kiû-kiò, khó͘-thàng;
Goá taⁿ kūi-lo̍h chhiū-kha kı̂-tó,
Thó͘-khùi goá ê choē-kò.
3. Siàu-liām goá Chú thiàⁿ-thàng ê sı̂,
Goān Chú si-un pó-pı̀;
Sù goá chiân-tô͘ kng-bêng hok-khı̀,
Sim tit pêng-an, hoaⁿ-hí.
4. Bô-lūn iu-būn, hoân-ló, kiaⁿ-hiâⁿ,
Goá nā kiû-kiò Chú miâ;
Oá-khò Thiⁿ-pē an-pâi chu-sū,
Goá chiū m̄-bián khoà-lū.
5. Goá sim kám-kek tı̄ chit sı̂-chūn,
Kiù-chú kap goá chhin-kūn;
Kim-mı̂, hán-tit ū ê kong-kéng,
Kiám bô chhim-khek chin bêng?
6. Goá tiàm sè-kan jı̍t-iáⁿ khoài-kè,
Him-bō͘ thiⁿ ê chó͘-ke;
Kap Chú khiā-khí thian-tông, éng-oán,
Chiàⁿ sı̄ goá sim-só͘-goān. A-men
(Oa̍h-miā ê Bí-niû, Tē 10 kı̂, 1957 nı̂ 4 goe̍h)
