1 Goá Pē Siōng-tè kàu-í jı̂n-lûn,
Chhiat-iàu chiū-sı̄ jı̄-sèng ha̍p-hun;
Sèng-keng bêng chài chit-chân tō-lí,
Chin-chiàⁿ kùi-khı̀, sı̍t-chāi lân-pí.
2 Chá-chêng Iâ-so͘ tiàm-tı̄ sè-kan,
Tùi-tiōng hu hū lóng-tit pêng-an,
Hit-sı̂ lâi hù hun-in iân-sia̍h,
Tāi-seng chit-pái chiū kiâⁿ sı̂n-jiah.
3 Taⁿ lán beh kiâⁿ phoè-ha̍p lé-sò͘,
Chhian-bān m̄-thang kheng-thiāu hô͘-tô͘;
Tio̍h kiû Iâ-so͘ chiàu-chêng lâi hù,
Chiah thang tit-tio̍h Siōng-tè siúⁿ-sù.
4 Koàn-kò͘ hu-hū tâng-sim ha̍p chı̀,
Ta̍k-sı̂ ta̍k-khek saⁿ-thiàⁿ bô-lı̄;
Tāi-ke pêng-an, khoài-lo̍k tek-ı̀,
Hu chhoe pó-ló kàu kè chı̍t-sı̀.
5 Kı̂-kiû Iâ-so͘ saⁿ-kap choè-tui,
Thê-hê pó-hō͘ éng-bô lı̄-khui,
Hō͘ i sūn thàn chin-lí hoat-tō͘,
Lóng-chóng hoaⁿ-hí tâng-kiâⁿ thiⁿ-lō͘.
