Hông-hun ê kò͘-hiong
Sı̄ lín tı̄ Ka-chiu hái-hoāⁿ
Chhiòⁿ bô-thêng ê koa
Ū bāng-tiong ê thiàⁿ-sioh
Ū thó͘-tē ê kám-chêng
Hoaⁿ-hí lín tńg-lâi Tâi-oân
Lán chò-hoé phah-piàⁿ
Nn̄g-pah tang chêng ê Bí-kok-lâng
Í-keng oân-sêng bı̂n-chú ê bāng
Ū o͘ ū pe̍h ū n̂g ū âng
Tı̄ ı̂-bı̂n ê sè-kài
Siáⁿ-lâng ū hiong-ok ê chó͘-kok
Ián-chhut iá-bân ê hı̀-kio̍k
Ián-chhut lô͘-moâ ê ok-pà
Bô-mê bô-jı̍t ūi-hia̍p
Kóng beh phah hui-toâⁿ
Kóng beh phah hō͘ lán noā-noā-noā
Kiâⁿ kàu le̍k-sú ê koan-thâu--a
Chı̍t tiâu Bāng-chhun-hong ê koa-siaⁿ
Lín tı̄ Tek-chiu ê siâⁿ-chhı̄
Chhiòⁿ bô-thêng ê koa-siaⁿ
Hi-bāng kò͘-hiong ê thó͘-tē
Chá-jı̍t khui chhun-thiⁿ ê hoe
Hoaⁿ-hí lín tńg-lâi Tâi-oân
Ta̍k-ke chò-hoé phah-piàⁿ
