Iâ-so͘ kap Sat-má-lı̄-a ê hū-jı̂n-lâng
（Tiāu ēng “Take my life,” chok-khek- chiá Wm. B. Bradbury.）
1.Iâ-so͘ keng-kè Sat-má-lı̄-a,
Kūn tı̄ Iok-sek ê toē Sū-ka;
Tı̄-hia ū Ngá-kok ê chúi-chíⁿ,
Chú kiâⁿ lō͘ siān, chē tı̄ chíⁿ piⁿ;
Ha̍k-seng jı̍p siâⁿ boé chia̍h ê sı̂,
Kan-ta chhun Chú tı̄-hia ka-kı̄;
Ài thoân tō-lí hō͘ hiah ê lâng,
Chiū thàn ki-hoē liâm-piⁿ choè kang.
2.Sat-má-lı̄-a ê hū-jı̂n-lâng,
Beh chhiūⁿ chúi toà pân kap chúi-tháng;
Iâ-so͘ ài ēng chúi choè būn-toê,
Só͘-í tùi i thó chúi chı̍t poe;
Hū-jı̂n kóng lín goán bô óng-lâi,
Siáⁿ-sū tùi goá thoch2ui ê tāi;
Chú kóng nā lūn Siōng-tè ê un,
Chiū bô hun lín goán lóng ū hūn.
3.Hū-jı̂n bô bêng chit ê ı̀-gı̄,
Chiū ēng choē-choē oē lâi mn̄g i ;
Lō͘-bé sı̀n I sı̄ sian-ti lâng,
Chiah mn̄g kèng-pài Siōng-tè chit hāng;
Chú kóng Siōng-tè chiū-sı̄ chin Sı̂n,
Sêng-sı̍t pài I bián ēng chı̂ⁿ-gı̂n;
Koh mn̄g lí sı̄ Bí-sài-a mah,
Ìn kóng chiàu lí ê oē sı̄ lah.
4.Ha̍k-seng boé mı̍h lâi tùi chhı̄-koe,
Khoàⁿ-kı̀ⁿ Chú teh kap i kóng-oē,
Sı̄m-koaⁿ hoán-tńg siⁿ-khí giâu-gı̂,
Choân-jiân m̄-chai Chú ài kiù i ;
Hū-jı̂n liâm-piⁿ jı̍p siâⁿ pò-iông,
Chèng-lâng thiaⁿ i kóng hoaⁿ-hí chiông;
Tāi-ke jı̄n I chin sı̄ Ki-tok,
Sı̀n I chèng-lâng ún jı̍p thian-kok.
(Tâi-oân Kàu-hoē Kong-pò tē 568 koàn, 1932 nı̂ 7 ge̍h)
