Chāi-sek-lí Má-lı̄-a
1. Tı̄ kó͘-chá Iû-thài kok,
Siōng-tè sù toā hok;
Siúⁿ-sù chı̍t ê chāi-sek-lí,
Sı̀n-gióng phín-hēng bô thang pí.
2. I ê miâ Má-lı̄-a,
Sèng-keng thang tiau-cha;
I hō͘ Iok-sek siū phèng-tiāⁿ,
Toan-chèng lóng bô lām-sám kiâⁿ.
3. Sı̀n-gióng chhim, phín-hēng hó,
Lâng-lâng to o-ló;
I tùi Sèng Sı̂n lâi siū-thai,
Pē-bú chhin-lâng lóng m̄-chai.
4. Má-lı̄-a i pún-sin,
Chhim-chai che goân-in;
Iok-sek khoàⁿ i toā pak-tó͘,
Sim-koaⁿ hui-siông toā kan-khó͘.
5. Siūⁿ koè-lâi siūⁿ koè-khı̀,
Sim-koaⁿ chin sit-chı̀;
Gı̄-lâng siūⁿ-tio̍h che hun-in,
Koat-sim àm-chı̄ⁿ beh hoè-chhin.
6. Bı̂n-bāng tiōng Chú chí-sı̄,
Hiòng i chiū kóng-khí;
Iok-sek, Iok-sek bo̍h siū-khı̀,
Che sı̄ Siōng-tè ê chí-ı̀.
7. Só͘ phèng-tiāⁿ, lí bián kiaⁿ,
Chú kóng lí tio̍h thiaⁿ;
Má-lı̄-a ê hoâi-ı̄n,
Choan-choan tùi tı̄ siū Sèng Sı̂n.
8. Tio̍h ài chhoā jı̍p lí mn̂g,
Phín-hēng lóng chiâu-chn̂g;
Èng-giām Kū-iok ê Sèng-keng,
Sian-ti só͘ kóng thang chèng-bêng.
9. Chāi-sek-lí beh siⁿ kiáⁿ,
Lí tio̍h ka hō miâ;
Hō I kiò-chò miâ Iâ-so͘,
Sè-kan lâng-lâng beh chheng-ho͘.
10. Bı̂n-bāng tiong ba̍k-chiu kim,
Iok-sek chiū koat-sim;
Sûi-sı̂ chhoā i lâi jı̍p mn̂g,
Kàu i siⁿ-kiáⁿ bô tâng-chhn̂g.
11. Tng hit sı̂ toā tiau-cha,
Chiū chhoā Má-lı̄-a;
Tı̍t-tı̍t kiâⁿ kàu Pek-lı̄-hêng,
Ài chō ke-kah thang hun-bêng.
12. In N̄g lâng chiū saⁿ-chhoā,
Kàu ūi ài beh toà;
In-ūi kheh-koán bô só͘-chāi,
Nn̄g lâng hioh tı̄ bé-tiâu lāi.
13. Má-lı̄-a tı̄ hit sı̂,
Tú-tio̍h seng-sán kı̂,
EN-á chhut-sı̀ tı̄ bé-chô,
Ēng pò͘ pau I chò kı̀-hō.
