1. Tı̄ kó͘-chá N̂g chheng nı̂,
Chin-chiàⁿ toā kı̂-ı̄ⁿ;
Thiⁿ-téng ū chhut toā-lia̍p chhiⁿ,
Hoat-chhut toā kng chiò àm-mı̂.
2. Tı̄ tang-hng sam phok-sū,
Khoàⁿ che choè pı̂n-kù;
Tı̍t-tı̍t kiâⁿ kàu Iû-thài toē,
Sı̀-kè mn̄g lâng tı̍t-tı̍t chhoē.
3. Sam phok-sū lóng choè-tı̄n,
Chhē Chú chin in-khı̂n;
Sı̀-kè kiû lâng kā i kóng,
Iû-thià chhut-sı̀ ê sin Ông.
4. Chú chhut-sı̀, chhiⁿ chhut-hiān,
Goán chhē lóng boē siān;
Goán khoàⁿ thiⁿ chhiⁿ tı̍t-tı̍t lâi,
Choan-sim lâi chia beh kèng-pài.
5. Iû-thài kok Hi-lu̍t ông,
Sı̍t-chāi chin chhiⁿ-kông;
Thiaⁿ-kı̀ⁿ chit hō ê hong-siaⁿ,
Sim-koaⁿ jû-loān toā chhiⁿ-kiaⁿ.
6. Keng-ha̍k-sū, chè-si-thâu,
Bēng-lēng lóng chiâu-kàu;
Chiū mn̄g Ki-tok ê chhut-sı̀,
Kū-iok Sèng-keng cháiⁿ-iūⁿ kı̀.
7. Iû-thài toē Pek-lı̄-hêng,
Sèng-keng kı̀ chin bêng;
Chiū-sı̄ Sian-ti Í-sài-a,
Chhit chiuⁿ só͘ kı̀ bô cheng-chha.
8. Tùi án-ni Hi-lut2 ông,
Chiū tùi phok-sū kóng;
Chhiáⁿ lín kín khı̀ Pek-lı̄-hêng,
Tiau-cha sin ông chhē kàu sêng.
9. Nā chhē--tio̍h koáⁿ-kín lâi;
Siông-sè pò goá chāi;
Chai-iáⁿ EN-á tiàm tó-ūi,
Hō͘ goá iā thang khı̀ pài-kūi.
10. Sam phok-sū thiaⁿ ông oē,
Khí-sin chiū koh chhē;
Thiⁿ-chhiⁿ choè thâu chhoā in khı̀,
Chhoā kàu bé-tiâu lâi chí-sı̄.
11. Sam phok-sū chiū jı̍p-chhù,
Khoàⁿ-kı̀ⁿ ū pı̂n-kù;
Sûi-sı̂ kūi-lo̍h pài Eng-jı̂,
Kám-siā Siōng-tè sù Hok-khı̀.
12. Khui pó-a̍p hiàn lé-mı̍h,
Kūi-lo̍h lâi tiâu-kı̀ⁿ;
Jú-hiuⁿ n̂g-kim kap bu̍t-io̍h,
Sêng-sim hōng-hiàn bô thiàⁿ-sioh.
13. Bı̂n-bāng tiong Chú chí-sı̄,
Kah in m̄ thang khı̀;
In-ūi Hi-lut3 beh hāi I,
Beh hāi EN-á hō͘ I sí.
14. Kiò phok-sū tio̍h oan-lō͘,
M̄-thang chiūⁿ kè-bô͘,
Phok-sū oan-lō͘ kín-kín cháu,
Bô kı̀ⁿ Hi-lu̍t ông in tau.
15. Tò-khı̀ liáu Chú thiⁿ-sài,
Chhut-siaⁿ koh-chài lâi;
Thok-bāng Iok-sek chhoā bú-kiáⁿ,
Cháu khı̀ Ai-kı̍p tô sı̀ⁿ-miā.
16. Hi-lu̍t ông teh thèng-hāu,
Hoê-hok lóng bô kàu;
Chai-iáⁿ phok-sū lâi phiàn i,
Sim-koaⁿ m̄-goān toā siū-khı̀.
17. M̄ kam-goān, chhut bēng-lēng,
Kè-bô͘ ài ta̍t-sêng;
Nn̄g-hoè í-hā ê eng-jı̂;
It-chı̄n ēng to lóng thâi sí.
18. Tı̄ hit-sı̂ choân kok-lāi ,
Chhiⁿ-chhám toā pi-ai;
Chē-chē lāu-bú sòng-sit kiáⁿ,
Pi-siong thı̂-khàu toā chhut-siaⁿ.
