1 Iâ-so͘ chin-oa̍h Siōng-tè,
Thoè lán siū-khó͘ bān-poaⁿ,
Tèng-sí tı̄ sı̍p-jı̄-kè,
Lâu-huih phı̀-jū oa̍h choâⁿ;
Ū-choē ê lâng khò Chú ê gı̄,
Lâi soé tı̄ chia lóng-chóng chheng-khı̀.
2 Kap Chú tâng tèng ê chha̍t,
Khoàⁿ-liáu sı̄m-jiân hoaⁿ-hí,
Bián-siū tē-ge̍k hêng-hoa̍t;
Tit-tio̍h lo̍k-hn̂g hok-khı̀;
Lán ū tāng-choē kap i chhin-chhiūⁿ,
Tı̄ ché pó-choâⁿ soé-chheng chı̍t-iūⁿ.
3 Goá sim só͘-thiàⁿ Sèng-ko,
Thoè lán tèng sı̍p-jı̄-kè,
Pó-huih ê toā kong-lô,
Èng-giām kàu bān-bān sè;
Siōng-tè só͘-kéng chiâu-chn̂g Sèng-hoē,
Un2-tàng tit-kiù éng bô hoān-choē.
4 Chun-kùi sin-thé siū-chhı̀,
Pó-huih lâu-chhut piàn-piàn;
Goá sim chhim-sı̀n bô gı̂,
Chhin-chhiūⁿ khoàⁿ-kı̀ⁿ hiān-hiān;
Sı̂-khek o-ló sio̍k-choē un-chêng,
Tùi taⁿ kàu-sí o-ló bô thêng.
5 Thó͘-khùi goá sim chin gōng,
Khó-sioh chhùi-chı̍h ke̍k tun;
Sui ài o-ló kèng-hōng,
Chāi-siⁿ bē hiáu siā-un;
Kàu sí chiūⁿ-thiⁿ oē gı̂m hó thiaⁿ,
Chı̄n sim chheng-ho͘ kiù-sè miâ-siaⁿ.
