Lāu-bú io-kiáⁿ chin hoaⁿ-hí
Jı̍t-mı̂ ná io ná gı̂m-si
Soè-kiáⁿ ná thiaⁿ ná hó khùn
Lāu-bú khoàⁿ kiáⁿ chhiò-bûn-bûn
Hoaⁿ-hí soè-kiáⁿ chin kó͘-chui
Io-kiáⁿ bô-jı̍t kāng bô-mı̂
Jı̍t--sı̂ iā ài chí saⁿ-tǹg
Iā tio̍h sé-saⁿ ài piàⁿ-tn̄g
Mı̂--sı̂ iā tio̍h ài pó͘-thı̄ⁿ
Thı̄ⁿ kah saⁿ-kiⁿ kāng poàⁿ-mı̂
Soè-kiáⁿ cheng-sı̂n khàu ài chia̍h
Lāu-bú cheng thâu kah khap hiā
M̄-kam hō͘ kiáⁿ iau koè-ki
Koáⁿ-kín chún-pı̄ kā kiáⁿ chhı̄
Choân-sim chiàu-kò͘ lán soè-kiáⁿ
Hō͘ i sin-thé khah ióng-kiāⁿ
Lāu-bú io-kiáⁿ chiām-chiām toā
Ē pê ē cháu bô khoàⁿ-oa̍h
Ū-sı̂ chiàu-kò͘ nā bô hó
Hō͘ I poa̍h kàu lı̀n-lı̀n-kō
Lāu-bú khoàⁿ-kı̀ⁿ m̄-kam-sim
Koáⁿ-kín phō khı̀ tı̍t-tı̍t chim
Taⁿ kiû Siōng-tè lâi chiàu-kò͘
Soè-kiáⁿ chiām-chiām ná chı̀n-pō͘
Chiàu-kò͘ ín-chhoā kiâⁿ chiàⁿ-lō͘
Iā oē tè Chú ê kha-pō͘
Só͘ choè nā oē êng-kng Chú
Siōng-tè chiok-hok bān-nı̂ kú
