1. Goá sı̀n Iâ-so͘ choè Kiù-chú,
Sim chiū khoài-lo̍k, tı̍t pêng-an;
Kám-siā Chú ê toā jı̂n-ài,
O-ló Chú, kiù-un bô hān.
2. Goá jı̄n Siōng-tè choè Thiⁿ Pē,
Hiaⁿ-tı̄ chí-bē, saⁿ kau-poê;
Tāi-ke gı̂m-si, o-ló Chú,
Kiat-liân tı̄ Chú ê sèng-hoē.
3. Chú ê peh-siⁿ, tio̍h hoaⁿ-hí,
Sêng-sim kèng-pài, ho̍k-sāi I;
Goá beh it-seng o-ló Chú,
Êng-kng Siōng-tè, tit hok-khı̀.
4. Goān Chú Sèng Sı̂n ín-chhoā goá,
Kiâⁿ thiⁿ-lō͘ hiòng-chêng, bô thè;
Gı̂m-si chhiùⁿ-koa bô sı̂ soah,
Tı̍t-kàu chó͘-ke kı̀ⁿ Thiⁿ Pē. A-men.
(Tâi-oân Kàu-hoē Kong-pò, Tē 848 kı̂, 1959 nı̂ 8 goe̍h)
