Jı̂n-kan chúi tn̂g lâu

 Chı̍t-tiám sim-ı̀ koà sim-thâu, 
  Ná jı̍t chhiâⁿ tiong-tàu, 
  Goān thiⁿ ū chêng tē boē lāu, 
  Hēng-hok moá ke cháu, 
  Chı̍t-tiám sim-ı̀ koà sim-thâu, 
  Ì kāu chêng iā kāu. 
 Goān jı̍t kap goe̍h siông hâm chhiàu, 
  Oàn-hūn chhoē bô tau, 
  Hō͘ iā-chéng-ê ū chéng-chí, 
  Sù-kùi hoe siông khui. 
 Hō͘ siu-koah-ê hó siu tang, 
  Lâng-lâng ū ǹg-bāng, 
  Chhun-hong chhoe-seng thiam sin-ki, 
  Thiⁿ-téng goe̍h siông ı̂ⁿ. 
  Chhiu-hō͘ nı̂-nı̂ moá khe-kau, 
  Jı̂n-kan chúi tn̂g lâu. 
 (Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)