Kàu-hoē ê hiaⁿ-tı̄ só͘ Chò ê si kap koa

Kàu-hoē ê hiaⁿ-tı̄ só͘ Chò ê si kap koa.

Sio̍k-chú ê lâng siông-siông tio̍h hoaⁿ-hí ; nā bô, sǹg sı̄ bē-hiáu Siōng-tè ê toā in,jı̍t-jı̍t siúⁿ-sù lán,koh èng-ún lán tit-tio̍h kú-tn̂g ê khoài-lo̍k tı̄ thiⁿ--nı̍h.Chit-hō sim àn-cháiⁿ-iūⁿ ē hián-chhut lâi? Pó-lô kià phoe hō͘ Í-hut-só͘ ê sèng-tô͘ kóng, “Tio̍h ēng si ēng koa , ēng sı̂n eh5u , chhùi-gı̂m sim-hô lâi o-ló Chú.”

Taⁿ lūn lán pêng-sò͘ teh gı̂m ê si kap koa, khó-sioh sı̄ chin chió, in-ūi khah-siông teh ēng put-kò sı̄ Ióng-sim-sı̂n-si , hit pún nā-tiāⁿ . Sui-jiân lâng lio̍k-sio̍k chò kúi-siú ı̀n tı̄ Sin-bûn cha̍p-lio̍k , tı̄ Kàu-hoē-pò, kap Sèng-hoē-pò, m̄-kú Kàu-taⁿ lóng bô thong-hêng.

Kai-chài Ē-mn̂g ê Khip sian-siⁿ tùi Si-phian tiah-chhut koh teh chò, ài pó͘ kàu-hoē ê toā khiàm-khoeh. Ǹg-bāng kàu nı̂-boé hit pún ē chò chiâⁿ. Ū-sip5un-tē lâng chiong in ka-tı̄ só͘ chò- -ê kià lâi hō͘ goán, bô tek-khak sı̄ lūn-khí sèng-keng ê tō-lí á-sı̄ hō͘ lán tı̄ pài-tn̂g thang ēng. Chhin-chhiūⁿ kı̄n-lâi hiaⁿ-tı̄u kià chit chı̍t pún ; goán khoàⁿ liáu, phah-sǹg ē kham-tit kéng-chhut chı̍t-siú ı̀n tı̄ chit-nı̍h hō͘ lín iā thang khoàⁿ. Kiaⁿ-liáu i siá--ê bô thang cha̍p-chn̂g hó, Só͘-í chhiáⁿ thoân-tō ê sian-siⁿ kap hiaⁿ-tı̄ tio̍h chú-sè chim-chiok, khoàⁿ ū sím-mı̍h jı̄-kù m̄-tú-hó , tó-lo̍h chı̍t chat bot5u-tú ha̍p tı̄ sèng-chheh ê kà-sı̄. Chhut-chāi lín hó-táⁿ lâi piān-pok i, in-ūi goanchái chò chit-siú si ê hiaⁿ-tı̄ tek-khakbē siū-khı̀ lâng hiâm; chóng-sı̄ só͘ piān-pok-ê tio̍h ū in-toaⁿ hiâm ū chêng-lí , chiah hó-sè. Lia̍t-ūi cháiⁿ-iūⁿ chú-chhais5oa siá bêng kià-lâi Hú-siâⁿ, kiám-chhá ithang ı̀n tı̄ āu-tiuⁿ ê Kàu-hoē-pò . Si sichı̄au ē-té siá :

1.
Khong-hi jı̄-tián ū kı̀-chài ,
  Nn̄g-jı̄ Iâ-so͘ ū chāi-lāi ;
  Ha̍k-būn ê lâng khı̀ chhiau-chhoē ,
  Kı̀-tı̄ hô--jı̄ cha̍p-it oe̍h .

2.
Bat-lí ê lâng bô hô͘-hūn ,
  Ta̍k-hāng só͘ chò chı̄n pún-hūn ;
  Chò lâng tiong-tı̍t kiâⁿ hàu-gı̄ ,
  Tit-tio̍h Siōng-tè chin hok-khı̀ .

3.
Kok chhù hong-sio̍k kóng bē-tı̍t ,
  Sù-su ngó͘-keng ū chin-sı̍t ;
  Sèng-keng kı̀-chài lán tio̍h sı̀n ,
  M̄-thang khoàⁿ chò bô iàu-kín .

4.
Lán tha̍k sèng-hiân ê keng-si ,
  Tio̍h thàn chheh-lāi ê kà-sı̄ ;
  Sù-su ngó͘-keng ū kóng-khí ,
  Ho̍k-sāi Siong-tè chin ha̍p-lí .

5.
Chō thiⁿ chō tē chin Chú-cháiⁿ ,
  Chit-hō chiàⁿ-sı̄ thang kèng-pài ;
  Pēng bô kı̀-chài ū Gio̍k-hông ,
  Hiān-sı̂ sio̍k-jı̂n kiò Thiⁿ-kong .

6.
Chiaⁿ-goe̍h chhe-káu lâi chhut-sı̀ ,
  Ū seⁿ ū sí thang pı̂n-kı̀ ;
  Sèⁿ Tiuⁿ miâ Gı̂ i miâ-jı̄ ,
  Sòng-tiâu Hui-chong thek-hong i .

7.
Tiuⁿ Gı̂ nā ē chò Siōng-tè ,
  Hui-chong kok-ūi thoân bān sè ;
  Hong i ê lâng bô pó-pı̀ ,
  Lán nā ho̍k-sāi liáu gōng chı̂ⁿ .

8.
Chiong lâng chheng-ho͘ chò Siōng-tè ,
  Thàn ké khı̀ chin poē kó͘-lē ;
  Lūn choē kai-jiân siū pò-èng ,
  Iā ē bián-tit sı̄ bān-hēng .

9.
Siōng-tè chhe Kiáⁿ lâi kiù lâng ,
  Sin Chú choē siā thang ǹg-bāng ;
  Kı̂-kiû Sèng-sı̂n kái jı̂n-sim,
  Hō͘ lâng khı̀ ké ho̍k-sāi chin.

10.
Siúⁿ-sù ta̍k-hāng lóng chiâu-pı̄ ,
  Kám-siā Siōng-tè ê in-gı̄ ;
  Siōng-tè bêng-bêng sı̄ chin Sı̂n ,
  M̄-ài sè-kan choá-kim-gı̂n .

11.
Ài lâng chò hó siú tō-lí ,
  Hoān-sū só͘ chò chiàu kui-kí ;
  Siōng-tè tē-it bān pù-ū ,
  Bān-mı̍h lóng sı̄ I siúⁿ-sù .

12.
Ài lâng chò hó kiâⁿ hó-sim ,
  Saⁿ-tǹg lim-chia̍h tio̍h kám-in ;
  Tiong-kok sèng-hiân thoân jı̂n-lí ,
  Sūn-thàn Siōng-tè ê chí-ı̀.

13.
Bat jı̄ ê lâng m̄ kóng-khí ,
  Hiān-kim goā-kok lâi chí-sı̄ ;
  I hōng Siōng-tè ê bēng-lēng ,
  Chē chûn koè hái thoân Sèng-keng .

14.
Sèng-keng kóng-chhut chin tō-lí ,
  Lán lâng m̄ sı̀n ki-chhı̀ i ;
  I lâi liáu-kang iā liáu-chı̂ⁿ ,
  Siàu-liām sù-hái sı̄ hiaⁿ-tı̄ .

15.
Ài lâng lêng-hûn tit-tio̍h kiù ,
  Kò͘-chip ê lâng m̄ sêng-siū ;
  Ài lâng tit-kiù sı̀n hok-im ,
  M̄-sı̄ ài lâi bé jı̂n-sim .

16.
Khó͘-khǹg hiaⁿ-tı̄ sim tio̍h bêng ,
  Ài lán khı̀ siâ lâi kui-chèng ;
  Siōng-tè tō-lí tio̍h lâi lūn ,
  Chin ké chū-jiân bô hô͘-hūn .

17.
Lán lâng sı̂n-hûn kāng chı̍t pē ,
  M̄-sı̄ chı̍t lâng ū chı̍t-ê ;
  Lán taⁿ tāi-ke ū kài-gāi ,
  Kàu boé lêng-hûn kāng só͘-chāi .

18.
M̄-thang o̍h pháiⁿ ê bô͘-iūⁿ ,
  Lán lâng iàu-kín tio̍h bat siūⁿ ;
  Goā-kok ê lâng sı̄ jı̂n-ài ,
  Thoân-pò tō-lí hō͘ lán chai .

19.
Tiong-kok siū siâ bê-he̍k chhim ,
  Hàn-tiâu liû-thoân kàu hiān-kim ;
  Bêng-tè ê sı̂ ài pài pu̍t ,
  Chhe lâng chiū khı̀ giâ hu̍t-kut .

20.
Hu̍t-kut chhiáⁿ lâi chiū ho̍k-sāi ,
  Bān-jı̂n tāi-ke lâi kèng-pài :
  Hit-sı̂ í-āu loān hun-hun ,
  Hó-pháiⁿ bô hun chò chı̍t kûn .

21.
Lóng hō͘ siâ-sı̂n só͘ bê-he̍k ,
  Nā m̄ hoán-hoé lo̍h tē-ge̍k ;
  Iâ-so͘ tō-lí sı̄ bêng chèng ,
  Kà lâng chò hó lâng m̄-khéng .

22.
Siū siâ bê-he̍k sim bô piàn ,
  Chèng-keng tō-lí i m̄-siàn ;
  Thiaⁿ i só͘ kóng sı̄ ki-chhı̀ ,
  M̄-sı̄ beh lâi lūn tō-lí .

23.
Sı̀n siâ ê lâng chin-chiàⁿ sēng ,
  Só͘ kiâⁿ só͘ chò m̄ chèng-keng ;
  Hòng-chhiòng su-io̍k tio̍h pàng-lı̄ ,
  M̄-thang chò pháiⁿ tek-choē thiⁿ.

24.
Seⁿ-chêng kín-kín hoán-hoé choē ,
  Sí-āu ài-ké bô ki-hoē ;
  Nā bô Siōng-tè ê in-tián ,
  Kàu boé tē-ge̍k éng bē bián .

(Tâi-oân-hú-siâⁿ Kàu-hoē-pò tē 76 tiuⁿ,1891 nı̂ 9 ge̍h)