Thiaⁿ lâng kóng goán
Hái-kháu ê kò͘-hiong
Goe̍h-niû thiàⁿ-sioh ê iâm-tiâⁿ
Sı̄ si ê thó͘-tē
Si ê thó͘-tē
Ū lêng-hûn ê hoe-lúi
Si ê thó͘-tē
Sı̄ goân-khı̀ ê sèⁿ-miā
Chho͘ thiaⁿ kóng-khı̀ goán-hiong
Si-jı̂n lí ê miâ-jı̄
Sim-lāi hoâi-gı̂
Tı̄ kò͘-hiong ê jı̍t-chí
Goán-hiong ê sı̄-toā
Án-choáⁿ bô-lâng lâi the̍h-khí
Sı̄ án-choáⁿ
Chū sè-hàn tha̍k-chheh khó-chhı̀
Kàu lı̂-hiong ê jı̍t-chí
Goán kò͘-hiong ê sian-siⁿ
Bô-lâng kóng-khí lí ê miâ-jı̄
Thiaⁿ kóng lí ê chok-phín
Khoàⁿ--koè ê lâng bô choē
Lí ê si-phiⁿ
Sı̄ m̄ sı̄
Hō͘ hái-hong chhoe--khı̀
Chhoe-khı̀ chhian-bān lí
Tı̂m tı̄ chhim-chhim ê hái--lı̀n
