1. Hēng-hok ka-têng pún saⁿ-thiàⁿ,
Hu-chhe siong-kèng gâu kà kiáⁿ,
Pē-bú kiáⁿ-jı̂ saⁿ pang-chān,
Hoaⁿ-hí khoài-lo̍k éng bô hān.
2. Ka-têng kiàn-siat khak-lı̍p sı̀n,
Eng-kai sı̀n Sı̂n iā sı̀n jı̂n,
Choan-it gióng bōng Chú Siōng-tè,
Un-tián chhiong-moá lán choân-ke.
3. Ke-lāi siat-sú saⁿ giâu-gı̂,
Mô͘-kúi sûi-sı̂ oá-kūn i,
Hō͘ in khai-sí toā phoe-phêng,
Kàu bé phò-hoāi lán ke-têng.
4. Sū-sū khiā tı̄ Chú lı̍p-tiûⁿ,
Ēng I sim-chêng thoè lâng siūⁿ,
Un-jiû khiam-pi saⁿ khoán-thāi,
Lı̂n-bín thiàⁿ-thàng chin hô-hâi.
5. Sı̄-toā chû-sim thiàⁿ sı̄-soè,
Sı̄-soè sūn-ho̍k kèng tióng-poè,
Tâng-sim tâng-ı̀ thàn tō-lí,
Tâng tiⁿ tâng khó͘ tâng hoaⁿ-hí.
6. Ka-têng tek-khak Ki-tok-hoà,
Jı̍t-jı̍t kap Chú ná kūn-oá,
Sı̂-siông kı̂-tó tha̍k Sèng-keng,
Kian-kò͘ sı̀n gióng tit éng-seng.
(Lú-soan Goe̍h-khan Tē 74 kı̂, 1966 nı̂ 2 goe̍h)
