(lóng-siōng si)
1. Tiⁿ-bı̍t ka-têng, un-loán kng-bêng,
Hu-chhe siong-kèng, seng-oa̍h an-tēng;
Hiaⁿ-tı̄ saⁿ-thiàⁿ, chí-bē hô-pêng,
Chı̍t ke toā-soè, choè Chú ha̍k-seng.
Hô. Iâ-so͘ choè lán chhin-ài ka-chú,
Oa̍h-chúi má-ná jı̍t-jı̍t siúⁿ-sù;
Chia̍h, chhēng, ēng, ta̍k-hāng bô khiàm-kheh,
Thiⁿ Pē thiàⁿ-thàng éng-oán bô thè.
2. Khoài-lo̍k ka-têng, hāu-hoat Ki-tok,
Kiáⁿ-sun heng-khí, Siōng-tè chiok-hok;
Jı̂n-ài, tiong-sı̀n, chún-chat, siān-liông,
Sèng Sı̂n ké-chí, hong-sēng bû-kiông.
3. Thiàⁿ Chú ka-têng, hoaⁿ-hí hi-seng,
Chá àm lé-pài, khûn tha̍k Sèng-keng;
Pē-bú kiáⁿ-jı̂, sı̀n-gióng kian-tēng,
Khiân-sêng kı̂-tó, sêng-chiap éng-seng.
4. Bí-boán ke-têng, Siōng-tè só͘ thiàⁿ,
Choè kng, choè iâm, êng-iāu Chú miâ;
Un-jiû hô-pêng, chān lâng khı̀ siâ,
Tâng kiâⁿ thiⁿ-lō͘, choê jı̍p Sèng-siâⁿ
(Lú-soan Goe̍h-khan Tē 65 kı̂, 1965 nı̂ 5 goe̍h)
