1 Éng-oán kap Chú khiā-khí,
Chiàⁿ-sı̄ goá sim só͘-goān;
Thian-tông tn̂g oa̍h, bān-sè bô sí,
Hióng-hok tı̍t kàu éng-oán.
2 Hiān-sı̂ keng-kè goā pang,
Ba̍k-chiu boē khoàⁿ Thiⁿ-pē;
Kai-chài ta̍k-mı̂ goá tah tiùⁿ-pâng,
Chām-chām khah-kūn chó͘-ke.
3 Thian-tông chhàn-lān kàu ke̍k,
Siōng-tè bí biāu tiâu-têng;
Siâⁿ-mn̂g chin-chu, siâⁿ-chhiûⁿ pó-ge̍k,
Goá sı̀n, chiū khoàⁿ chin bêng.
4 Goá Pē êng-kng ê chhù,
Pêng-an khoài-lo̍k só͘-chāi,
Sèng-tô͘ khiā-khí tn̂g-tn̂g kú-kú,
Goá sim him-bō͘ ı̀-ài.
5 Éng-oán kap Chú khiā-khí,
Chit-kù thò-tòng chin-sı̍t,
Khún-kiû Siōng-tè, ha̍p lí chí-ı̀,
Chún goá hiān-sı̀ oē tit.
6 Thiⁿ-pē kap goá bô lı̄,
M̄-sái hoân-ló kiaⁿ-hiâⁿ;
Sèng-sı̂n chān goá kian-sim koat-ı̀,
Kau-chiàn ún-tàng khah-iâⁿ.
