Khòng-iá

 Bông-bông ê àm-iā 
  Tı̄ goá ū kám-kak chûn-chāi ê thó͘-tē 
  Ū 
  Bô-se̍k-bô-sāi 
  Bô ok-ı̀ ê pêng-iú chò-hoé 
  Khí-hoé chhiòⁿ-koa 
 Ū lí ū goá 
  Bô siang-bı̄n-to-kúi ê im-iáⁿ 
  Bô ok-lêng thóng-tı̄ ê kok-ka 
  Chı̍t-chióng sim-lāi bô-siaⁿ ê sè-kài 
  Chı̍t-chióng chhim-tı̂m ê liáu-kái 
  Siám-sih ê thiⁿ-chhiⁿ 
  Iâu-oán ê goe̍h-niô 
 Chı̍t-kûn liû-lōng ê sèⁿ-miā chò-phoāⁿ 
  Chheng-khı̀ ê khe-piⁿ 
  Chheⁿ-chhùi ê soaⁿ-niá 
  Lí goá ba̍k-chiu hoaⁿ-hí 
  Tiām-tiām kim-kim sio-khoàⁿ