Khó͘ peh chân

 Tē it kan-khó͘ lông-bū-oân, 
  Ūi-tio̍h kok-ka ê ki-koan, 
  sı̂-sè piàn kah ū chit khoán, 
  Bē su boán-chheng piàn se-goân. 
 Tē jı̄ kan-khó͘ sat thô͘-chhia, 
  sat kah poa̍h bé iā tio̍h giâ, 
  lông-bū kang-thâu lâi kàu chia, 
  Chhiú giâ iân-pit chiap-chiap chhià. 
 Tē saⁿ kan-khó͘ iô thih-lō͘, 
  Oan-oan oat-oat iô kui-po͘, 
  Lô kah bē tit bô hoat-tō͘, 
  Toā koāⁿ sió koāⁿ lâu kui-po͘. 
 Tē sı̀ kan-khó͘ taⁿ thó͘-tàⁿ, 
  tùi la̍k-goe̍h chhe taⁿ kàu taⁿ, 
  taⁿ kàn keng-kah lóng bô nà, 
  Chhoē bô sió-niû thang sé-saⁿ 
 Tē gō͘ kan-khó͘ lo̍h-hō͘ sı̂, 
  ak kah seng-khu léng-ki-ki, 
  ūi-tio̍h kok-ka ê tāi-chı̀, 
  Tāi-ke jím-nāi pah-jı̍t-kı̂. 
 Tē la̍k kan-khó͘ sı̄ gı̄-bū, 
  lóng-sı̄ lô-bū chāi seng-khu, 
  Pha̍k kah seng-khu o͘-lù-lù, 
  Bē su hoe-sia ê thó͘-hu.
 Tē chhit kan-khó͘ ó͘ chiàn-khut, 
  tı̂-thâu pùn-ki tio̍h chı̀n chhut, 
  pak-tó͘ iau-Ńg iā tio̍h hut, 
  pó-chèng mā goán chin óng-khut. 
 Tē peh kan-khó͘ tē peh chân, 
  iā-tiûⁿ hoa̍t-bêng kho͘-saⁿ thàn, 
  lo̍h-hō͘ saⁿ-hun kā goán bán, 
  hō͘ goán kan-khó͘ chhiú-thâu ân. 

(Tâi-oân Hiong-thó͘ Cha̍p-chı̀ tē 50 kı̂, 2001 nı̂ 11 goe̍h)