Khe

 Kó͘-chá goán àn chia koè , 
  Lóng kiò lí ê miâ Lô-chúi-khe. 
  Chúi lô lô , chúi chin chē , 
  Hı̂ mā chin chē. 
 Chit-má goá àn chia koè, 
  Soa chin chē, chio̍h chin chē, 
  Chhun chı̍t choā kau-a chúi 
  teh lâu teh tih. 
 Ná phoà-pak ê toā-boé hı̂, 
  Péng-tō͘ teh beh sí, 
  Hoeh teh tin teh lâu, 
  Siōng-boé a hit kúi tih. 
 Chin khoah ê khe bô chúi, 
  Goán ùi chia koè, 
  Mā sı̄ kiò lí Lô-chúi-khe. 
  In-ùi sim-koaⁿ lāi iáu ē kı̀, 
  Kó͘-chá chúi chin chē, hı̂ chin chē, 
 Sı̄ àn-choáⁿ ? 
  Sı̄ àn-choáⁿ khe kap lâng kāng-khoán, 
  Mā sı̄ ē sí, 
  Liâu-liâu-a 
  Chiah-nih kan-khó͘ sí ? 

(Tâi-bûn Thong-sı̀n tē 78 kı̂, 2000 nı̂ 8 goe̍h)