Lō͘, bô-lâng teh kiâⁿ,
Hō͘, kâⁿ hong ê siaⁿ,
Ko͘-toaⁿ lâng koè àm-tām soaⁿ-niá,
Siáⁿ lâng chai goán ê sim-chiâⁿ.
Lō͘, ta̍k-jı̍t teh kiâⁿ,
Oē, put-sı̂ teh thiaⁿ,
Choáⁿ-iūⁿ goán ê sim-thâu bē tiāⁿ,
Khah kiâⁿ tō bē chhut-miâ.
Jı̍t-thâu ta̍k-jı̍t chiò kng-bêng,
Chiò tı̄ goán ê thâu-khak téng.
Chhiⁿ-sı̂n ta̍k-àm chò kng-teng,
Koà tı̄ soaⁿ ê hit chı̍t-pêng.
Sui-jiân hong-hûn lân-chhek,
Sui-jiân lō͘-tô͘ kham-khia̍t,
Iû-goân tio̍h hiòng-chêng.
Ū chhò-chiat, ū chhia-piàⁿ,
Chiah-sı̄ hùn-tàu ê jı̂n-seng.
Lō͘, ta̍k-jı̍t teh kiâⁿ,
Oē, put-sı̂ tio̍h thiaⁿ,
Ko͘-toaⁿ lâng iā ū ka-kı̄ ê iáⁿ,
Khéng kiâⁿ, chá-bān ē chhut-miâ.
(Tâi-oân Kàu-hoē Kong-pò tē 2106 kı̂, 1992 nı̂, 7 goe̍h)
