Kiâⁿ hāng-á-lō͘
Lí ē chhoē--tio̍h
Chó͘-sian ê kha-pō͘
Kiâⁿ hāng-á-lō͘
Chı̍t-tiâu chúi-kau
Kó͘-chá ê Pang-khe
Iáu koh leh lâu
Lı̄-khui chhia-siaⁿ
Se̍h-lâi Gû-sái-hāng
Lí khoàⁿ chhiū-châng-piⁿ
Kó͘-chá ê su-ı̄ⁿ
Hiān-chhú-sı̂ sı̄
Bián-hùi ê thêng-chhia ūi
Kiâⁿ hāng-á-lō͘
Lâi kàu lâng kóng
Iau-kúi-tiâⁿ Gû-mô͘-hāng
Koè hit phı̀ⁿ piah-tó͘
Kó͘-chá tha̍k-chheh-lâng
Khó-chhı̀ ê tiôⁿ-só͘
Kiân jı̍p-lâi hāng-á-lāi
Chhit-niû-kéng Toā-iâ-kha
Te̍k-á-hâng lâu-á lāi
Tek-khèng-khe í-keng sí
Pı̀ⁿ-chò chhàu-chúi-kau
Khàm koà khí toā-lâu
Se̍h hāng-á-lō͘
Se-tek-ûi Lûn-á-téng
Liông-choâⁿ-chíⁿ Chiok-sam-to
Chò-hoé lâi kiâⁿ
Hn̄g-hn̄g Tang-mn̂g-siâⁿ
Ou-jí-sáng--á
Un5-ûn-á kiâⁿ
Ou-bá-sáng--á
Un5-ûn-á kiâⁿ
Lán lo̍h tē-hā-tō
Téng-bı̄n niū chhia cháu
Chhoē bô San-chhoan-tâi
Lín khoàⁿ hia
Thiaⁿ kóng kó͘-chá
Hong ú lûi hûn ê sı̂n-pâi
Hn̄g-hn̄g sı̄ Sió-lâm-mn̂g-siâⁿ
Oáⁿ-koé chiok chhut-miâ
Kiâⁿ hāng-á-lō͘
Se̍h lâi Chhia-á-chíⁿ
Kó͘-chá ê iû-boé-hâng
Phı̄ⁿ bô thô͘-tāu phang
Bé chı̍t-koá peng-ki
Lí goá bóng-pō͘ bóng-kiâⁿ
