Kiù-sè Hok-im toā ho̍k-heng,
Pek-liân Pó-tó hòng kong-bêng,
Kok-thài-bı̂n-an toē hô-pêng,
Kám-un chàn-bí Thiⁿ hiáng-èng,
Khûn theng-tō, Hùn sim-lêng,
Sı̀n-tô͘ to sı̄ Chú cheng-peng,
Siong-chhin siong-ài cháu thian-têng,
Sı̂-sı̂ kéng-séng choè kng-teng.
Un-tián kek-lē, thiàⁿ ná chhim,
Pek-liân kàu-hoē kiat liân-bêng,
Tâng-sim ha̍p-ı̀ chı̄n tiong-sêng,
Hok-im heng-ōng kiù chiòng-seng,
Khûn hêng-tō, Hiàn it-seng,
Kap Chú tâng-sim thiàⁿ sè-jı̂n,
Kun-tè Kiù-chú tio̍h hi-seng,
Hiòng-chêng pháu-cháu éng bô thêng.
Siàu-liām sian-hiân hōng Chú miâ,
Hok-im thoân-pô͘ bān-bı̂n thiaⁿ.
Pē-ka ūn-tōng tāi-kong chiâⁿ,
Ok-mô͘ hiong-béng m̄-bián kiaⁿ,
Khûn thoân-tō, Hiòng-chêng kiâⁿ,
“Tı̍t-kàu toē ke̍k” Chú ho͘-siaⁿ,
Kiù-lêng êng-iāu Chú chun-miâ,
Khái-soân koa-siaⁿ chín Thiⁿ-siâⁿ.
(Tâi-oân Kàu-hoē Kong-pò, Tē 959 kı̂, 1965 nı̂ 6 goe̍h)
