1. Chō-hoà ê Chú, tı̄ goân khí-thâu,
Chhòng-chō it-lâm, it-lú;
Sı̄ beh hō͘ in kiat-liân chı̍t-thé,
Phoè-ha̍p chiâⁿ-choè hu-hū:
Taⁿ, ū N̄g-lâng, tı̄ Chú bı̄n-chêng,
Kiat-iok beh choè hu-chhe;
Goān Chú sù-hok,tı̄ ı̄n it-seng,
Êng-kng kui Pē, Siōng-tè.
2. Chāi-chá Kiù-chú, thàn lâng hong-sio̍k,
Bat hù hun-in iân-sia̍h;
Ēng chúi piàn chiú, pó͘ in put-chiok,
Saⁿ-kap kau-poê, lim-chia̍h:
Chhiáⁿ Chú Iâ-so͘, iû-goân kàng-lı̂m,
Chiok-hok kim-jı̍t tián-lé;
Chhiong-moá Sèng Sı̂n tı̄ in ê sim,
Kú-tn̂g kàng-hok bô thè.
3. Kiû Chú chiok-hok, sin-hun hu-hū,
Chun-siú kim-jı̍t sè-iok;
Saⁿ-kèng, saⁿ-thiàⁿ, sūn-hok Kiù-chú,
Un2-tàng oē tit khoài-lo̍k:
Goān Chú sı̂-siông, ín-chhoā chiàu-kò͘,
Siúⁿ-sù pêng-an, hoaⁿ-hí;
Chān in chı̄n-la̍t, kiâⁿ thiⁿ ê lō͘,
Éng-oán hióng-siū hok-khı̀. A-men.
(Tâi-oân Kàu-hoē Kong-pò, Tē 810 kı̂, 1956 nı̂ 6 goe̍h)
