Kin-ná-jı̍t sı̄ hó jı̍t-chí
Ou Kok-kian tiúⁿ-ló hu-chhe
Kı̀-liām kiat-hun sı̀-cha̍p-nı̂
Siōng-tè chiok-hok chin hoaⁿ-hí
Nn̄g-lâng chin-chiàⁿ ū hok-khı̀
Tâng-sim só͘ choè Chú hoaⁿ-hí
Chin-chiàⁿ khoài-lo̍k koè jı̍t-chí
Sı̀n-sim jı̂n-keh siⁿ-choè hó
Ūi Chú hoat-kng lâng o-ló
Siōng-tè ióng-chòng ê thiāu-chio̍h
Choè Chú chhe-ēng chin-chiàⁿ tio̍h
Hō͘ Chú hoaⁿ-hí ū hok-khı̀
Koh ū chin hó ê chhe-jı̂
Tan-sûn un-jiû chhiò-bi-bi
Koh ū jı̂n-ài ū thiàⁿ-sim
Hoaⁿ-hí choè Chú ê lú-pi
Chı̄n-tiong ūi Chú thoân tō-lí
Tio̍h-boâ hoaⁿ-hí ín-chhoā lâng
Ūi Chú choè kang bô khang-khang
Hō͘ Chú chiok-hok chiah-sı̄ hó
Nn̄g-lâm N̄g-lú chiū-sı̄ pó
Só͘ thoân kiáⁿ-sun chin-chiàⁿ chē
Thoân Chú hok-im sı̀n Siōng-tè
Choân-ke sı̀n Chú chin khoài-lo̍k
Lō͘-bé hok-khı̀ tı̄ thian-kok
