I-seng kóng lí iáu-ū ki-hoē
Lín-bó͘ thiaⁿ kah pak-tó͘ lóng hoé
Lín-bó͘ kóng tio̍h koh siōng-pan
Kóng lí í-keng pò-hùi
Lín cha-bó͘-kiáⁿ kóng beh tán lí chhéⁿ
Tàu-té sı̄ ài koh tán saⁿ-nı̂ iah-sı̄ gō͘-nı̂
I-seng ê oē lín-bó͘ lín-kiáⁿ bô-ài thiaⁿ
Lí siōng-boé ê nn̄g-tih ba̍k-sái lâu bô-siaⁿ
Lín-bó͘ lín-cha-bó͘-kiáⁿ chiok-chhiah
Kian-koat kiò liáu kiù-hō͘-chhia
Sàng lí tńg-khı̀ khùn toā-thiaⁿ
Lí khǹg tı̄ pān-kong-thiaⁿ
Saⁿ-pah bān tēng-kı̂ e chûn-khoán-toaⁿ
Lín-bó͘ chêng-chı̍t-jı̍t khı̀-hian khı̀-chhoē khı̀-chhiau--tio̍h
Í-keng lóng-chóng sūn-lı̄ niá--tio̍h
Lí hòng-sim chò lí khı̀
Sè-kan í-keng bô lí ê tāi-chı̀
