Chhek-chiáu-á hoâ-gí kiò＜麻雀＞, chiâⁿ-chē Tâi-oân gín-á lóng kā Hoâ-gí tı̍t-hoan, kóng-chò “moâ-chhiak”, chiàu Hàn-jı̄ kā hoan, bē-sái-chit kóng m̄-tio̍h.
“A-Bêng--ko! Lán lâi-khı̀ chhân-tiong-ng phah moâ-chhiak hó--bô ?”
“Phah moâ-chhiak iā-tio̍h khı̀-kàu Chhân-tiong-ng ? Tiàm lín-tau lâng-kheh-keng-á tiō-hó--a!”
“Gún-tau lâng-kheh-keng ná ū hit-lō moâ-chhiak thang phah ?”
“Iah-bô lí sı̄ leh kóng siáⁿ-mı̍h oáⁿ-ko ? Ná-ē thiaⁿ lóng-bô ?”
“Goá sı̄ chio lí lâi-khı̀ gún chhân--nih phah“麻雀”--lah !”
“Phah chhek-chiáu-á tō kóng phah chhek-chiáu-á, kóng he siáⁿ-mih ‘moâ-chhiak’, hāi goá hoaⁿ-hí chı̍t-ē. Phah ‘moâ-chhiak’ bô iàu-kín, ah nā phah chhek-chiáu-á, m̄-hó--lah!”
