Lâng oa̍h bô kú

 1 Lán lâng sı̀ⁿ-miā bô tiāⁿ-tio̍h, 
  Chı̍t chhùn kong-im tio̍h pó-sioh; 
  Siⁿ-chêng kín-kín hoán-hoé choē, 
  Sí-āu ài koé bô ki-hoē. 
 2 Lāu-lâng soe-lám, khùi beh tn̄g, 
  Kè-óng sı̂-khek oh phah-sǹg, 
  Chhin-chhiūⁿ chiáu-chiah kín-kín pe, 
  Khoe-chúi lâu-lo̍h tı̍t-tı̍t kè. 
 3 Siàu-liàn ióng-kiāⁿ, bô gı̂-gō͘, 
  Khah chá lāu-lâng oē kui-thó͘, 
  Phı̀-jū hûn-bū tà toā soaⁿ, 
  Gū-tio̍h jı̍t-chhut hut-jiân soàⁿ. 
 4 Jı̍t-ge̍h chhui-pek lâng koē-lāu, 
  Tek-khak bô-kú sí chiū kàu, 
  Hok-im chin-lí bô sêng-siū, 
  Lêng-hûn kám oē tit-tio̍h kiù. 
 5 Ta̍k-lâng chhuit-sı̀ khang chhiú lâi, 
  Kè-bô͘ hù-kùi chek chı̂ⁿ-châi, 
  Kàu-bé kè-óng khang chhiú khı̀, 
  Ke-gia̍p hù-kùi lóng pàng lı̄. 
 6 Lâng-kheh chı̍t-mı̂ hioh kheh-koán, 
  Thiⁿ-kng khí-sin bô iân-oān, 
  Lán tiàm sè-kan ná chhut-goā, 
  Ǹg-bāng thiⁿ-téng éng-oán toà