Lô͘-moâ

 To͘-chhı̄ ê ke-lō͘ 
  Ou-tó-bái nǹg lâi nǹg khı̀ 
  Khı̀-chhia chông lâi chông khı̀ 
  Lâng, siû lâi siû khı̀ 
  Che sı̄ chúi-lâu chin chhoa̍h ê hô-liû 
 Lâng, khı̀-chhia, o͘-tó-bái 
  Lóng sı̄ kut liu-liu ê lô͘-moâ 
  Siā-hoē 
  Chhin-chhiūⁿ to͘-chhı̄ ê ke-lō͘ 
  Lóng-sı̄ chin chhoa̍h ê hô-liû 
  Lóng-sı̄ kut liu-liu ê lô͘-moâ 
  Nǹg khang nǹg phāng 
 Lán ê sè-kài tı̄ chúi-té 
  Tı̄ siûⁿ koeh-koeh ê 
  Lo̍k-kô͘-á-moâi nı̍h