Lú Soan-tō-hoē Hoan-gêng Bûn Bo̍k-su-niû ê Si
1.Tāi-ke hoaⁿ-hí lâi gı̂m-si,
Kám-siā Thiⁿ Pē sù hok-khı̀;
Chin-lí lâi Tâi lio̍k-sı̍p-chhiu,
Hok-im pò-thoân choân tē-kiû.
2.Khí-thâu Má-kai Phok-sū lâi,
Pò-thoân tō-lí, tû pháiⁿ-tāi;
Chhin-chhiūⁿ chı̍t-lia̍p koà-chhài-chí,
Heng-ōng toā châng , Chú hoaⁿ-hí.
3.Phok-ài chû-pi Bo̍k-su-niû,
Bú-hoē phài lí kàu Tang-iûⁿ,
Ài chiok Pak-pō͘ Soān-chio̍h nı̂,
Chān goán sı̀n-sim jú ke-thin.
4.Bú-hoē un-chêng chin-chiàⁿ toā,
Hok-im bô kàu , goán boē oa̍h;
Ài pò bú-un lóng boē-oē,
Piáu ı̀ lâi khui Hoan-gêng-hoē.
5.Goān Chú Iâ-so͘ lâi pang-chān,
Ke-thiⁿ sı̀n-tò͘ bû-sò͘-bān;
Goān Pē chiok-hok chit ê hoē,
Ná kú ná toā , lâng ná choē.
(Tâi-oân Kàu-hoē-pò tē 566 koàn, 1932 nı̂ 5 ge̍h)
