1. Khoân-kéng kip-piàn sim khang-hi,
Kut-jio̍k sı̀-soàⁿ teh liû-lı̄,
Kia̍h-ba̍k khoàⁿ ge̍h ı̂ⁿ lı̀n-lı̀n,
Boē kı̀m ba̍k-sái lâu moá bı̄n.
Hô:Chû-ài Iâ-so͘ goá pêng-iú,
Chhe-khián Sèng Sı̂n Pó-hūi-su,
Éng tiàm goá sim siông an-ùi,
Kám-siā Thiⁿ Pē chhùi gı̂m-si.
2. Ko͘ sin lı̄-hiong choè lú-kheh,
Phiau-liû bô-liâu koh chhám-chhoeh,
Chiân-tô͘ bū-bū tó-lo̍h khı̀,
Kiù-chú lı̂n-bín khéng chí-sı̄.
3. Jı̂n-toē chhiⁿ-so͘ Chú chhoā lō͘,
Kan-lân khùn-khó͘ I khoàⁿ-kò͘,
Goá sim him-bō͘ Chú tông-chāi,
Khiam-sùn khiân-sêng lâi kèng-pài.
(Lú-soan Goe̍h-khan Tē 78 kı̂, 1966 nı̂ 6 goe̍h)
