Lō͘-piⁿ khoàⁿ-bē-tio̍h hoe-lúi,
Hái-kı̂ⁿ pùn-sò chı̍t-toā-tui.
Hô-chhoan siu hùi-chúi,
Siu kah hı̂-á péng-tō͘, ngó͘-kok ı̀m bē pûi.
Khí hang-lô͘, hiâⁿ hoé-thoàⁿ,
Chhiū-ba̍k iáu-koh ū teh khoàⁿ,
Tiám gá-suh, la̍p tiān-toaⁿ,
Lo̍h-hō͘ tian-tò gâu pang-soaⁿ,
Bô kóng bô tāi-chı̀,
Lú kóng lú iàn-khı̀;
Lán-kong chèng ê chhiū-á lóng tùi tó-ūi khı̀,
Lâng à lâng! Lâng à lâng!
Kiám bô thiaⁿ tio̍h le̍k-sek teh ho͘-hoàn,
Tò-tńg-lâi!
Tò-tńg-lâi lán kong ê sı̂-tāi,
Lêng khó thoa-boâ saⁿ-tǹg chia̍h khah bái
Mā m̄ thang hō͘ kiáⁿ-sun khoàⁿ thiⁿ lâi lâu ba̍k-sái.
(Tâi-oân Kàu-hoē Kong-pò tē 2114 kı̂, 1992 nı̂, 9 goe̍h)
(Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)
