Kang-tiûⁿ ê ian-tâng kui-nı̂-thàng-thiⁿ chhèng o͘-ian,
Pe̍h-chha̍t kap kim-koân iū koh khò͘-toà kat sio-liân,
Thiⁿ iā phiàn, tē iā phiàn,
Phiàn kah hong-hûn piàn sek, jı̍t-goa̍t sit kng-bêng.
Tāi-tē teh thı̂-khàu,
Khàu kóng gû iûⁿ m̄ chia̍h chháu.
San-hô teh thı̂-khàu,
Khàu kóng kong-im bē tò-lâu.
Ke-lō͘, hái-kı̂ⁿ, chhân-hoāⁿ, chùn-kau,
Le̍k-sek ê ho͘-hoàn,
Siaⁿ siaⁿ khà sim-thâu,
Nā beh koh án-ni hoâiⁿ-jı̍p-chàu, chhia-pùn-táu,
Chá-bān
Lán ē ū chhù chhoē bô tau.
(Tâi-oân Kàu-hoē Kong-pò tē 2115 kı̂, 1992 nı̂, 9 goe̍h)
(Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)
