Hek-chhiúⁿ chı̍t-keng chı̍t-keng tı̍t-tı̍t khí,
Hāu-niáu chı̍t-chiah chı̍t-chiah that jı̍p chhùi,
Lō͘-pông-si, khàm-pùn-ki;
Liân kong-hn̂g ū-tēng-tē mā soà the̍h khı̀ oāⁿ chò chı̂ⁿ.
Bûn-bêng à! Bûn-bêng!
Lí ūi jı̂n-lūi toà lâi choē-choē ê hióng-siū,
Khiok chiong chū-jiân ê seng-thài pàng tı̄ chúi-lāi bo̍k-bo̍k siû.
Bûn-bêng à! Bûn-bêng!
Lí hō͘ gê-hông-teng ê sek-tı̀ lú lâi lú chhiâⁿ-iāⁿ,
Khiok chiong chhòng-chō ê goân-hiong koaiⁿ jı̍p àm-pâng ê toā-thiaⁿ.
A-tong kap Hā-oa nā ū êng lâi khoàⁿ kin-á-jı̍t ê sè-kài,
Phah sí mā bē koh chiong kı̀m-kó thun jı̍p pak-tó͘-lāi.
(Tâi-oân Kàu-hoē Kong-pò tē 2116 kı̂, 1992 nı̂, 9 goe̍h)
(Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)
