1.Chá ū chı̍t lâng, miâ Ná-o-bí,
Tiàm tı̄ Iû-thài, pún-kok khiā-khí,
An-jiân khiā-khí;
Khó-sioh, pún-kok peh-sı̀ⁿ hoāⁿ-choē,
Siōng-tè siū-khı̀,
Kàng-lo̍h chai-ē hō͘ in.
2.O-bí tiōng-hu, Í-lı̄-bí-le̍k,
Ū kiáⁿ nn̄g lâng, Má-lûn, Ki-liân,
Hô-hó sim an-jiân;
Tú-tio̍h pún-kok ki-hng bô bí,
Chhian-soá Mô͘-ap,
Tiàm tı̄ goā-pang khiā-khí.
3.Má-lûn, Ki-liân, chhoā Mô͘-ap lú,
Āu-lâi pē-kiáⁿ, liân-soà kè-sı̀,
Ai-chài Ná-o-bí;
Tiàm tı̄ goā-pang ka-têng soe-bı̂,
Léng-tām sit-chı̀,
Khó-lı̂n chhun i ka-kı̄.
4.Beh kui pún-kok,iu-būn khó͘-thàng,
Khǹg i sim-pū, koé-kè pa̍t lâng,
Tè i bô só͘ bāng;
Tē-jı̄ sim-pū Lō͘-tek, choè lâng
Iú-hàu lı̍p-chı̀,
Koat-ı̀ tè i chı̍t-sı̀.
5.Ta-ke,sim-pū, tńg-khı̀ pún-kok,
Ke-tiong pi-bı̂, bô sı̂ Khoài-lo̍k,
Bô chı̍t-sı̂ khoài-lo̍k;
Chóng-sı̄ Lō͘-tek iú-hàu kiâⁿ gı̄,
Siōng-tè hoaⁿ-hí,
ûi-sı̂ kàng hok hō͘ i .
6.Āu-lâi Lō͘-tek, koh phoè Pho-sū,
Ka-chu pah-bān, sı̄m-jiân toā pù,
Chia̍h ēng bián khoà-lū;
Hiaⁿ-tı̄ chí-bē tio̍h o̍h hàu-hēng,
Siōng-tè siúⁿ-sù,
Bān hāng hok-khı̀ lóng ū.
(Tâi-oân Kàu-hoē Kong-pò tē 599 koàn, 1935 nı̂ 2 ge̍h)
