Kim-mı̂ lán chò-hoé chiú-kiⁿ,
Hō͘ pêng-an ná lō͘-chúi tih,
Thèng-hāu chheng-chá àm-mı̂ koè-khı̀,
Ngiâ-chih Tâi-oân sin sè-kí.
Kim-mı̂ lán chò-hoé chiú-kiⁿ,
Hō͘ bông-bū sûi hong phiau lı̄,
Thèng-hāu thiⁿ-kng jı̍t-chhut ê sı̂,
Ngiâ-chih Tâi-oân ê chhun-thiⁿ.
Chı̍t-tiûⁿ cháu soaⁿ sè-kí ê tē-tāng,
Iô chhíⁿ lán teh khùn ê bı̂n-bāng,
Phò-chhùi ê ka-hn̂g, sit-lo̍h ê chhin-lâng,
Hō͘ lán siàu-liām sim khó͘-thàng,
Phah khui lí goá sim-lêng ê mn̂g-thang,
Ēng thiàⁿ chò-hoé lâi koàn-ak,
Lán oē khoàⁿ-kı̀ⁿ Tâi-oân ê hi-bāng,
Chhun-thiⁿ hoe khui chiàu siông âng.
Kim-mı̂ lán chò-hoé chiú-kiⁿ,
Hō͘ bông-bū sûi hong phiau lı̄,
Thèng-hāu thiⁿ-kng jı̍t-chhut ê sı̂,
Ngiâ-chih Tâi-oân ê chhun-thiⁿ.
(Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)
