Bô koh hoâi-gı̂ ka-kı̄,
Taⁿ goá oē-hiáu siá-jı̄,
Ēng thóng-tı̄-chiá khoàⁿ-bô ê A B C
Chun-giâm kia̍h tı̄ chhiú--nih,
Bı̂n-cho̍k bûn-ha̍k ê ki-chio̍h taⁿ thia̍p-khí,
Tùi goán chit-tāi.
Bô lâng koh khoàⁿ-khin
Chó͘-sian thoân-lo̍h ê bó-gí.
Iā boē koh lia̍h goán chò
Sú-chêng sı̂-tāi ê pō͘-cho̍k (tribe).
Pah-goā-nı̂ Tiong-kok tńg boē-koè se-hoà,
Kàu goá sin-chiūⁿ, teh beh tit-chiâⁿ.
Pí kiàm khah lāi ê lı̄-khı̀, kia̍h-khí,
Seng koah goá thé-lāi ê Tiong-kok to̍k-liû,
Chı̍t-to chı̍t-to,
Chhiat-tn̄g kū tè-kok ê kin. (sinew/ro͘t)
Toā-thiàⁿ koè--khı̀,
Kū ê Tâi-oân tn̄g-khùi,
Sin ê Tâi-oân beh chhut-sı̀.
(Tâi-bûn-thong-sı̀n tē 63 kı̂, 1999 nı̂ 4 goe̍h)
