Ou-liông-tê, o͘-liông-tê, phang-phang ê o͘-liông-tê.
Thàu-chá lim chı̍t-poē,
Jūn-âu kam chhùi-boé,
Hō͘ lín chı̍t-jı̍t kang-chok cheng-sı̂n ke pah-poē.
Ou-liông-tê, o͘-liông-tê, sio-sio ê o͘-liông-tê.
Pn̄g-āu lim chı̍t-poē,
Sià iû chheng hoè-té,
Hō͘ lín sin-khu ióng-kiāⁿ sûi-ê chia̍h pah-hoè.
Chhun-tê chheng-bêng sàng chiūⁿ-chhı̄, Tang-tê siu-boé thı̄n koè-nı̂.
Tâi-oân pó-tó tit thian-thiông, Sù-kùi chhù-chhù phiau tê-hiong.
It-sim lióng-hio̍h chheng siōng-téng, o͘-liông beh lim tio̍h tàng-téng.
Chheⁿ-tê bı̄-phang sek-tı̀ súi, Se̍k-tê lo̍h-pak pı̂-tó͘ khui.
Ou-liông-tê, o͘-liông-tê, tàng-téng ê o͘-liông-tê.
Ū lâng-kheh lâi chē,
Chhiáⁿ i lim chı̍t-poe,
Koh khah bô-iân ê, khui-chhùi mā hó kóng-oē.
( Tâi-oân Kàu-hoē Kong-pò tē 2069 kı̂, 1991 nı̂, 10 goe̍h )
(Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)
