Pó-hūi-su í-keng lâi

Pó-hūi-su í-keng lâi

Ko Thian-sù hoan-e̍k

1.Tio̍h thoân hoaⁿ-hí ê siaⁿ,
Khı̀ kàu ta̍k-hiuⁿ ta̍k-siâⁿ,
Kı̀ⁿ-nā tio̍h-boâ kan-khó͘,
Á-sı̄ iu-būn kiaⁿ-hiâⁿ,
Goá ū ke̍k-hó siau-sit,
Toā-siaⁿ pò hō͘ lín thiaⁿ,
Pó-hui-su í-keng lâi!

Pó-hūi-su í-keng lâi,
Pó-hūi-su í-keng lâi!
Thiⁿ-pē siúⁿ-sù Sèng-sı̂n,

I ê èng-ún sı̄ chin;
Tio̍h thoân hoaⁿ-hí ê siaⁿ,
Pò hō͘ chèng-lâng lóng thiaⁿ,
Pó-hūi-su í-keng-lâi!

2.Hiān-sı̂ m̄-sı̄ mı̂--sı̂,
Sı̀-kè í-keng chá-khí;
Hong-hō͘ ê siaⁿ lóng soah,
Kiaⁿ-hiâⁿ pı̀ⁿ chò hoaⁿ-hí;
Chhiⁿ-chhùi soaⁿ-tèng ū jı̍t,
Goá sim hí-lo̍k bô-pí!
Pó-hūi-su í-keng lâi!
Pó-hūi-su í-keng lâi...ûn-ûn

3.Bān-ông ê Ông Siōng-tè,
Choân-lêng tı̄ I sı̍t-ē,
Kàng-lı̂m chín-kiù bān-bı̂n,
Thoat-lı̄ Mô͘-kúi koân-sè,
Im-hú ê kaⁿ ē khang,
Tek-sèng ê koa bô thè :
Pó-hūi-su í-keng lâi!
Pó-hūi-su í-keng lâi...ûn-ûn

4.Toā-in sı̍t-chāi koh-iūⁿ,
Goà sim bē-hiáu thang siūⁿ,
Chún goá ke̍k pháiⁿ choē-jı̂n,
Êng-kng kap I chhin-chhiūⁿ,
Chit hō jı̂n-ài ke̍k chhim,
Pí hái koh khah oh niû,
Pó-hūi-su í-keng lâi!
Pó-hūi-su í-keng lâi...ûn-ûn

5.Taⁿ tioh o-ló hoaⁿ-hí,
Siaⁿ-im hiáng-liāng kàu thiⁿ,
Soah hō͘ thiⁿ-téng sèng-sài,
Toè lán saⁿ-kap gı̂m-si,
Tâng gı̂m saⁿ-thiàⁿ ê tiāu,
Éng-oán toā o-ló i,
Pó-hūi-su í-keng lâi lah!
Pó-hūi-su í-keng lâi... ûn-ûn

(Tâi-lâm Hú-siâⁿ Kàu-hoē-pò tē 210 khoàn, 1902 nı̂ 9 goe̍h)