Pı̂n-toāⁿ

 Lâng tı̄ jı̍t-thau-kong ē-kha teh piaⁿ 
  I tı̄ lāi-té léng-khı̀-thiaⁿ 
  Lâng teh cháu, i teh kiâⁿ 
 Lâng teh kiâⁿ, i ē-tàng tiàm hia tiāⁿ-tiāⁿ 
  Lâng tiàm hia khiā, i chē kah sı̀-chiàⁿ sı̀-chiàⁿ 
  Lâng chē sı̀-chiàⁿ, i theⁿ-í theⁿ tı̄ mn̂g-kháu-tiâⁿ 
  Lâng theⁿ theⁿ-í, i tó tiàm bı̂n-chhn̂g pàng im-ga̍k tı̄-teh thiaⁿ 
  Lâng tó bı̂n-chhn̂g, i khùn kah jı̍t-thâu pha̍k kha-chiah-phiaⁿ 
 Lâng-lâng o-ló i hó-miā 
  I sı̄ bô hit-hō sin-miā 
  Kek hit-hō sin-miā.