chhiáⁿ àiⁿ-tsò chì-si tõ i-kâi ūi--chiēⁿ: liáng-chiá tsṳ-tang iā pit-ũ hûa-phêng kâi kòi-chheh.
[14] Hṳ́ hùaⁿ-kâi kuan-bō pit-àiⁿ kui pun Hi-liên, kũa To-pí, kũa Iâ-thài-a, kũa Si-huan-iá kâi kiáⁿ Hiên; lâi-tsò piáu-kì tõ Iâ-hô-hûa kâi tōiⁿ. [15] In hñg-lōu kâi nâng àiⁿ-lâi, chiũ tõ Iâ-hô-hûa kâi tōiⁿ tsṳ-tang khí-kiẽn, nín chiũ tsai sĩ buān-khûn kâi Tsú Iâ-hô-hûa ũ-sái uá lîa kàu nín kò. Nín jia̍k-sĩ sié-sim thiaⁿ-sũn nín-kâi Siãng-tì Iâ-hô-hûa kâi mẽng, chí-kâi sṳ̄ chiũ pit tsò-chiâⁿ.
7
Iáu, Tã-lĩ-u sì nîⁿ, káu gue̍h, chiũ-sĩ Kit-le̍k gue̍h, chhiu-sì ji̍t, ũ Iâ-hô-hûa kâi ūe thoh Sat-ka-lĩ-a. [2] Tng-sî in Pek-tek-lĩ nâng ũ sái Sī-lí-sṳ kũa Lí-kiàm-mí-le̍k, kũa in-kâi nâng, lâi khiû-ṳn tõ Iâ-hô-hûa mīn-tsôiⁿ, iā lâi kāng buān-khûn kâi Tsú Iâ-hô-hûa tshù-lãi chèng
