kì nîⁿ-ji̍t: [15] lâi-tsò-kng tõ thiⁿ-tang kâi kiong-tshan chiè-kng tõ-tī-chiēⁿ: chiũ ũ chièⁿ-seⁿ. [16] Siãng-tì tsò chí-nõ-kâi tōa-kng; iaú-tōa kâi kng lâi-kuán-lí ji̍t--kan, iáu-sòi kâi kng lâi-kuán-lí mê--kan: iā-tsò chheⁿ-sîn. [17] Siãng-tì pàng-i tõ thiⁿ-tang kâi kiong-tshan lâi-chiè-kng tõ-tī-chiēⁿ, [18] lâi-kuán-lí jit kũa mê, lâi-hun-pie̍t kng kũa àm: Siãng-tì thóiⁿ-tie̍h sĩ hó. [19] Ũ mê-hng ũ mn̂g-khí, chiũ-sĩ tõiⁿ-sì-ji̍t.
[20] Siãng-tì tàⁿ, Tsúi tie̍h-seⁿ ke-ke ua̍h-tõng kâi mue̍h, iā tie̍h-ũ pue-chiáu lâi-pue tõ-tī-chiēⁿ, tõ thiⁿ-tang kâi kiong-tshan--kò. [21] Siãng-tì tshàng-tsãu tōa-hṳ̂, kũa che̍k-khài õi-pê ua̍h-tõng kâi mue̍h, chiũ-sĩ tsúi tsùaⁿ-seⁿ--kâi, kak tshông-khî-lūi, kũa che̍k-khài ũ si̍t-e̍k kâi pue-chiáu kak tshông-khî-lūi: Siãng-tì thóiⁿ-tie̍h sĩ hó. [22] Siãng-tì chiũ hṳ́-hok khṳt i, tàⁿ, Tie̍h-seⁿ tsōi-tsōi,
