Siat-sú beh pun tsa̍p-poeh kho͘ hō͘ la̍k lâng. Chiàu kiám-hoat sûi-lâng tio̍h tāi-seng tit-tio̍h chi̍t-kho͘, lóng-kiōng la̍k-ê. Hit-ê la̍k-ê tio̍h khàu-khí-lâi, chhun tsa̍p-jī, iā koh chhin-chhīuⁿ án-ni kàu lóng bêng-pe̍k chiàu tò-pêng só͘ pâi-lia̍t ê hoat-tō͘. Nā-sī ha̍k-seng í-keng ha̍p-si̍p kiú-kiú-ha̍p-sò͘ chīu tsai 6 × 3 = 18, só͘-í ēng la̍k lâi pun 18 ōe pun-tit tú-tú saⁿ-pái, chiàu iū-pêng só͘ kì-tsài.
Pun-hoat, tio̍h ēng goân-siàu kiò-tsòe hoat.
Tāi-seng tio̍h siá si̍t siàu, tò-pêng phoat chi̍t-ê phoat, phoat-gōa siá hoat-siàu.
Siat-sú hoat-siàu ū toaⁿ-ūi tiāⁿ-tiāⁿ, tio̍h u̍ih-hûn tī si̍t-siàu-ē, seng khòaⁿ si̍t-siàu tò-pêng thâu-chi̍t-ūi ōe chiok hoat-siàu kúi-pē lâi kì tī hûn-ē tsòe só͘ tit-tio̍h ê siàu. Tē-jī ūi í-hā lóng tio̍h án-ni.
Siat-sú ū goân-siàu 69030, beh ēng 3 tsòe hoat lâi pin-i, chīu tio̍h pâi-lia̍t chhin-chhīuⁿ piⁿ-thâu ê khoán-sit.
Seng khòaⁿ 6, (chīu-sī 6 bān,) chiok 3 nn̄g-pē, chīu tio̍h siá 2, (chīu-sī 2 bān) tī hûn-ē.
Koh khòaⁿ 9, (chīu-sī 9 chheng,) chiok 3 saⁿ-pē tio̍h siá 3 (chīu-sī 3 chheng,) tī hûn-ē.
Koh khòaⁿ 0, (chīu-sī bô-pah,) bōe pun-tit chīu tio̍h siá 0 tī hûn-ē thang lâu pah ê ūi.
Koh khòaⁿ 3, (chīu-sī 3 tsa̍p) chiok 3 chi̍t-pē, tio̍h siá 1, (chīu-sī it-tsa̍p) tī hûn-ē.
Koh khòaⁿ 0 bōe pun-tit tio̍h siá 0 tī hûn-ē.
Ha̍k-seng teh-sǹg ê sî tio̍h ho͘ kóng, 3 pun 6, tit 2, kì 2.
Piⁿ-thâu só͘ pâi-lia̍t ê siàu ha̍k-seng tio̍h ho͘ lâi sǹg: 4 pun 8, tit 2, kì 2.
4 pun 0, bô, kì 0.
4 pun 0, bô, kì 0.
4 pun 4 tit 1, kì 1.
4 pun 8 tít, kì 2.
4 pun 0, bô, kì 0.
Kiám-chhái si̍t tò-pêng thâu-chi̍t-ūi ê siàu pí hoat khah sòe, bô thang pun, chīu tio̍h nn̄g-ūi saⁿ-liân lâi-pun, só͘ tit-tio̍h ê siàu kì tī hûn-ē.
Pun-liáu kiám-chhái ū chhun, chīu hit-ê chhun tio̍h kap tē saⁿ ūi saⁿ-liân lâi koh pun; í-hā lóng tio̍h án-ni.
