6
Chit-hō ê sò͘-bo̍k kiōng ū tsa̍p-ê, chīu-sī:
- 0, khòng
- 1, chi̍t
- 2, nn̄g
- 3, saⁿ
- 4, sì
- 5, gō͘
- 6, la̍k
- 7, chhit
- 8, poeh
- 9, káu
Chiah-ê sò͘-bo̍k tio̍h ha̍k-si̍p kàu ōe jīn-bêng sòa-siá hó-khòaⁿ Siá, lóng tio̍h pîⁿ-tōa.
Beh siá khah-tōa-tiâu ê siàu, chīu sò͘-bo̍k chit-ê bô kàu. Tùi tsa̍p í-chīuⁿ, sò͘-bo̍k tio̍h nn̄g-ê, tùi pah í-chīuⁿ tio̍h saⁿ-ê; chhin-chhīuⁿ 10, it-tsa̍p, 100, chit-pah.
KÌ-SIÀU Ê HOAT-TŌ͘
Beh hun-piat siàu ê tōa-sòe, iàu-kín tio̍h khòaⁿ sò͘-bo̍k kúi-ūi, iā tio̍h tùi tiāⁿ-tio̍h ê ūi lâi sǹg-khí. Sǹg-khì tio̍h tùi chiàⁿ-pêng, chīu thâu-chi̍t-ūi kiò-tsòe toaⁿ ê ūi, tē-jī tsòe tsa̍p ê ūi, tē-saⁿ tsòe pah ê ūi, tē-sì tsòe chheng ê ūi, tē-gō͘ tsòe bān ê ūi.
Siat-sú siá 35. Chit-tiâu-siàu ū nn̄g-ūi. Toaⁿ ê ūi ū 5, chīu-sī gō͘-ê. Tsa̍p ê ūi ū 3, chīu-sī saⁿ-tsa̍p, só͘-í chit-tiâu-siàu tio̍h tha̍k: saⁿ-tsa̍p-gō͘
Siat-sú siá 409. Chit-tiâu-siàu ū saⁿ-ūi. Toaⁿ ê ūi ū 9, chīu-sī káu-ê. Tsa̍p ê ūi ū 0, chīu-sī khòng. Pah ê ūi ū 4, chīu-sī sì-pah. Só͘-í chit-tiâu-siàu tio̍h tha̍k sì-pah khòng káu-ê, á, sì-pah liân káu-ê.
Siat-sú siá 12345. Chit-tiâu-siàu ū gō͘-ūi. Toaⁿ ê ūi ū 5, chīu-sī gō͘-ê. Tsa̍p ê ūi ū 4, chīu-sī sì-tsa̍p. Pah ê ūi ù, chīu-sī saⁿ-pah. Chheng ê ūi ū 2, chīu-sī nn̄g-chheng. bān ê ūi ū 1, chīu-sī chi̍t-bān. Só͘-í chit-tiâu-siàu tio̍h tha̍k: chi̍t-bān nn̄g-chheng saⁿ-pah sì-tsa̍p-gō͘.
Ēng sò͘-bo̍k lâi kì-siàu, lóng tio̍h chiàu chit-ê hoat-tō͘. Toaⁿ ê ūi tsòe pún: nā chìn chit-ūi chīu ke siàu ê gia̍h tsa̍p pē: koh chìn chit-ūi, chīu koh ke hit-ê gia̍h tsa̍p-pē: Kiám-chhái siàu bô kàu toaⁿ-ūi, chīu tio̍h kì 0 lâi lâu i ê ūi: i-siōng lóng tio̍h án-ni, chhin-chhīuⁿ ē-bīn ū pâi-lia̍t.
